पश्चिम बंगाल विधानसभा निवडणूकीसाठी भाजपचा उमेदवार म्हणून नाव जाहीर करण्यात आलेल्या स्वपन दासगुप्त यांनी राज्यसभेतून राजीनामा दिला आहे. अद्याप त्यांचा राजीनामा मंजूर करण्यात आलेला नाही. तृणमूल काँग्रेसकडून स्वपन दासगुप्ता यांच्या उमेदवारीवर प्रश्नचिन्ह उपस्थित करण्यात आलं होतं. तृणमूल काँग्रेसच्या खासदार महुआ मोइत्रा यांनी संविधानाच्या नियमांचा हवाला देत दासगुप्ता यांना ‘अपात्र’ म्हणून घोषित करण्याची मागणी केली होती.
विधानसभा निवडणुकीच्या पार्श्वभूमीवर पश्चिम बंगालमध्ये जोरदार राजकीय घडामोडी घडत आहेत. दरम्यान आज, तृणमूल व काँग्रेसच्या विरोधानंतरही भाजपाचे उमेदवार म्हणून नाव जाहीर करण्यात आलेल्या स्वपन दासगुप्ता यांनी राज्यसभेचा राजीनामा दिला आहे.
भाजपाने स्वपन दासगुप्ता यांना तारकेश्वर विधानसभा मतदारसंघातून उमेदवारी दिली होती, ज्यावर तृणमूल व काँग्रेसने आक्षेप नोंदवला होता व काही प्रश्न उपस्थित केले होते. या सर्व घडामोडी घडत असताना आज दासगुप्ता यांवनी राजीनामा दिल्याचे समोर आले आहे.
