Thursday, May 23, 2024
Homeगुन्हेगारीचिंचवडच्या एम्पायर इस्टेटजवळ एसटी बस दुभाजकावर आदळली, सुदैवाने प्रवासी सुखरूप

चिंचवडच्या एम्पायर इस्टेटजवळ एसटी बस दुभाजकावर आदळली, सुदैवाने प्रवासी सुखरूप

जुन्या पुणे-मुंबई महामार्गावर रिक्षा चालकाला वाचविताना महाराष्ट्र राज्य परिवहन महामंडळाची एसटी बस दुभाजकाला धडकली. सुदैवाने यामध्ये एकही प्रवासी जखमी झाला नाही. ही घटना मंगळवारी दुपारी दोनच्या सुमारास सेंट मदर तेरेसा उड्डाणपूलाखाली घडली. बोरिवली ते पुणे ही बस महामार्गावरुन पुण्याच्या दिशेने जात होती. चिंचवड येथून जात असताना एका रिक्षा चालकाने अरुंद जागेतून पुढे जाण्याचा प्रयत्न केला. कोणताही अपघात होऊ नये, तसेच रिक्षाचे नुकसान होऊ नये यासाठी बस चालक तानाजी सरवदे यांनी बस डिव्हाइडरकडे वळवली.

बस डिव्हायडरवर आदळली. बसचे पुढचा भाग चेपला आहे. बसममधील वीस प्रवासी, बस चालक आणि वाहक सर्वजण सुखरूप आहेत. दरम्यान, हा अपघात पाहण्यासाठी बघ्यांनी गर्दी केली. पोलिसांनी बघ्यांची गर्दी व संथ झालेली वाहतूक सुरळीत केली. बसमधील प्रवाशांना दुसऱ्या बसमध्ये बसवून पुढील प्रवासासाठी पाठवून देण्यात आले आहे.

RELATED ARTICLES
- Advertisment -
Google search engine
Google search engine

Most Popular

Recent Comments