Monday, April 22, 2024
Homeताजी बातमीपंतप्रधान नरेंद्र मोदींचा वाराणसी दौरा … गंगा स्नानही केले

पंतप्रधान नरेंद्र मोदींचा वाराणसी दौरा … गंगा स्नानही केले

पंतप्रधान नरेंद्र मोदी यांनी कालभैरव मंदिरात पूजा केल्यानंतर गंगा नदीत डुबकी घेत गंगा स्नान केलं. यावेळी मोदींनी पुष्ण आणि जल अर्पण करत मनोभावे सूर्य देवाची पूजा केली. तसेच पवित्र गंगेतील जल सोबतही घेतलं.

पंतप्रधान नरेंद्र मोदी दोन दिवसाच्या वाराणासी दौऱ्यावर आले आहेत. वाराणासी एअरपोर्टवर येताच मुख्यमंत्री योगी आदित्यनाथ आणि राज्यपाल आनंदिबेन पटेल यांनी त्यांचं स्वागत केलं. वाराणासीत आल्यावर त्यांनी आधी नागरिकांना हात उंचावून नमस्कार केला. त्यानंतर मोदी थेट कालभैरव मंदिरात पोहोचले. काशीच्या कोतवाल कालभैरव मंदिरात येऊन त्यांनी पूजा अर्चना केली. या मंदिरात मोदी तब्बल 20 मिनिटे होते. यावेळी त्यांनी मंदिराच्या पुजाऱ्याशीही चर्चा केली.

त्यानंतर मोदी आणि योगी आदित्यनाथ बोटीने ललित घाटावर पोहोचले. तिथून ते काशी विश्वनाथ मंदिरला जाणार आहे. मोदी बोटीतून जात असताना मुख्यमंत्री योगी आदित्यनाथ यांच्या व्यतिरिक्त त्यांच्यासोबत कुणीच नव्हते. सुरक्षा रक्षकांच्या ताफ्यातच ते घटनास्थळी पोहोचले.

ललित घाटावर आल्यानंतर मोदींनी गंगा नदीत डुबकी घेतली. त्यांनी जल आणि पूष्प अर्पण केलं. सूर्यदेवाला अर्ध्य देत मनोभावे पूजा केली. गंगा स्नान करण्यासाठी मोदी नदीच्या मधोमध गेले होते. तब्बल 15 ते 20 मिनिटे त्यांनी मनोभावे पूजा केली. यावेळी त्यांच्या चेहऱ्यावरील भक्तीभाव दिसून येत होता. मोदींचे गंगा स्नान आणि पूजा सुरू असताना ललिता घाटावर मोठी गर्दी उसळली होती. अनेकांनी मोदींची गंगा पूजा करतानाचे फोटो कॅमेऱ्यात कैद केले.

काशीत आल्यानंतर मोदींनी एक ट्विट केलं. काशीला आल्यावर सद्गदीत झालो. काही वेळानंतर आपण सर्व काशी विश्वनाथ प्रकल्पाच्या लोकार्पणाचे साक्षीदार होणार आहोत. या आधी मी काशीच्या कोतवाल काल भैरवाचे दर्शन घेतले, असं ट्विट मोदींनी केलं आहे.

RELATED ARTICLES
- Advertisment -
Google search engine
Google search engine

Most Popular

Recent Comments