राष्ट्रपती रामनाथ कोविंद यांच्या हृदयावर मंगळवारी येथील एम्स रुग्णालयात यशस्वी शस्त्रक्रिया करण्यात आली असून त्यांची प्रकृती स्थिर असल्याचे राष्ट्रपती भवनातून जारी करण्यात आलेल्या निवेदनामध्ये म्हटले आहे.
रामनाथ कोविंद यांच्या छातीत दुखू लागल्याने त्यांना गेल्या शुक्रवारी लष्कराच्या रुग्णालयात तपासणीसाठी नेण्यात आले होते. त्यानंतर शनिवारी त्यांना एम्समध्ये दाखल करण्यात आले. मंगळवारी सकाळी त्यांच्या हृदयावर यशस्वी शस्त्रक्रिया करण्यात आली असून त्यांची प्रकृती स्थिर आहे.
तज्ज्ञ डॉक्टरांच्या पथकाचे त्यांच्या प्रकृतीवर बारकाईने लक्ष असल्याचे निवेदनामध्ये म्हटले आहे.
