९ जून २०२१,
ज्या नागरिकांना लसीचे दोन्ही डोस मिळाले आहेत त्यांच्या आरोग्य सेतु अ‍ॅपवर निळ्या रंगाचे टिक्स अपडेट होताहेत. शिवाय, या अपडेट अंतर्गत आता व्हॅक्सीन सर्टिफिकेटमध्ये नाव आणि जन्मतारीख बदलता येणार. पाहा डिटेल्स.
कोविन पोर्टलसाठी सरकारने एक नवीन अपडेट जारी केले आहे. या अपडेटनंतर आपण कोविनवरच आपल्या लस प्रमाणपत्रात कोणतीही चूक असल्यास ती सुधारू शकाल. नोंदणी दरम्यान नाव किंवा जन्मतारखेमध्ये काही चूक झाली असेल तर आपण कोवीन पोर्टलवर लॉग इन करून ते सुधारू शकता. आरोग्य सेतूद्वारे ट्विट करून कोविन पोर्टलच्या नव्या अपडेटची माहिती देण्यात आली आहे . प्रमाणपत्रातील कोणतीही चूक सुधारण्यासाठी आता ‘राईस अ इश्यू’ हा पर्याय कोव्हिन पोर्टलवर पलब्ध होईल.
लसीकरण प्रमाणपत्र कसे सुधारित करावे
लिंग, जन्म तारीख, नाव इत्यादी संदर्भात तुमच्या लस प्रमाणपत्रात काही चूक असल्यास शासनाने त्यामध्ये ऑनलाईन दुरुस्तीची सुविधा दिली आहे.
लस प्रमाणपत्रातील कोणतीही चूक सुधारण्यासाठी आपण प्रथम आपल्या नोंदणीकृत मोबाइल क्रमांकासह कोव्हिन पोर्टलवर लॉग इन करावे लागेल. त्यानंतर आयडी (एकाधिक नोंदणीच्या बाबतीत) निवडावे लागेल जे दुरुस्त करावे लागतील. त्यानंतर त्या आयडीखाली तुम्हाला ‘राईस ए इश्यू’ चा पर्याय दिसेल. क्लिक केल्यानंतर आपणास लिंग, जन्मतारीख, नाव इत्यादी दुरुस्त करण्याचे पर्याय मिळतील.
