डेंग्यूचा प्रादुर्भाव रोखण्यासाठी पिंपरी चिंचवड महानगरपालिकेचे आयुक्त शेखर सिंह यांनी महापालिका प्रशासनाला आवश्यक ती खबरदारी घेण्याचे आणि डासांच्या उत्पत्तीच्या ठिकाणांचा शोध घेण्याचे आदेश दिले आहेत. वारंवार सूचना देऊनही ही प्रजनन स्थळे नष्ट करण्याकडे निष्काळजीपणा केल्यास, उल्लंघन आढळून आलेल्या आस्थापना, बांधकाम स्थळे, गृहनिर्माण संस्था, दुकाने, घरे यांच्यावर कडक कारवाई करण्यात येईल, असे आदेश त्यांनी दिले.
मंगळवारी महापालिकेच्या मुख्य प्रशासकीय इमारतीत आयुक्त सिंह यांच्या अध्यक्षतेखाली आढावा बैठक झाली.
डेंग्यूचा प्रादुर्भाव रोखण्यासाठी केलेल्या उपाययोजना आणि नियोजनाभोवती ही चर्चा फिरली. या बैठकीला अतिरिक्त आयुक्त विजयकुमार खोराटे, वैद्यकीय अधिकारी डॉ.लक्ष्मण गोफणे आदी अधिकारी उपस्थित होते.
