Pune Rain Alert: पुण्यात अखेर मान्सूनने एन्ट्री केली आहे. हवामान विभागाच्या अंदाजानुसार या आठवड्याच्या अखेरीस राज्यात पाऊस हजेरी लावणार असा अंदाज वर्तवला होता. तो खरा ठरला असून पुण्यात पावसाने हजेरी लावली आहे.
हवामान खात्याच्या अंदाजानुसार मान्सून हा येत्या दोन दिवसात राज्यात दाखल होणार असल्याचा अंदाज वर्तवण्यात आला होता. तो आज खरा ठरला असून अखेर आज सकाळी पुण्यात पावसाच्या हलक्या सरी बसरल्या आहेत. सकाळी ७ वाजल्यापासून मध्यम हलक्या पावसाच्या सरी पुणे शहरात बरसत आहेत.
पुणे शहरातल्या उपनगर भागात तसेच शहरातल्या कात्रज, सिंहगड रोड, बाळजीनागर, सहकारनगर, सदाशिव पेठ आणि अन्य शरतल्या ठिकाणी पाऊस पडला आहे. पुण्यात मान्सून सुरू होण्याची तारीख १० जून होती, तर मुंबईसाठी ११ जून होती. पण बिपरजॉय या वादळामुले मान्सून येण्यास विलंब झाला. त्यामुळे उन्हाच्या तडाख्याने हैराण झालेल्या नागरिकांना काहीसा दिलासा मिळाला आहे.
आज सकाळपासून पुण्यात पावसाच वातावरण आहे. त्यासोबतच पाऊस गेल्यानंतरही ढगाळ वातावरण शहरात पाहायला मिळत आहे. हवामान खात्याच्या अंदाजानुसार महराष्ट्रात मान्सूनच आगमन झाल आहे. रत्नागिरी, सिंधुदुर्ग, गोवा या शहरात पावसाची सुरुवात झाली आहे. विदर्भाच्या भागात देखील पावसाला चांगली सुरवात झाली आहे. तर येत्या ४८ तासात राज्यातल्या सगळ्याच भागात पावसाची शक्यता वर्तवली आहे.
मुंबईतही पावसाला सुरुवात
गेल्या अनेक दिवसांपासून मुंबईकरांना ज्याची प्रतीक्षा होती त्या पावासाने अखेर मुंबईत हजेरी लावली आहे. शुक्रवारी रात्रीपासून मुंबई शहर, उपनगरात पावसाच्या हलक्या सरी कोसळत होत्या. त्यानंतर शनिवारी पहाटेही शहरात पावसाचं वातावरण कायम राहिल्याने आज पाऊस कोसळणार याची खात्री अनेकांना होती. त्यानुसार, पावसाने सकाळीच हजेरी लावत मुंबईकरांना उकाड्यातून दिलासा दिला आहे. तर हवामान विभागाने मुंबईला २६-२७ जून रोजी यलो अलर्ट जारी केला आहे. मुंबईत तुरळक ठिकाणी मुसळधार पाऊस पडण्याचा अंदाज व्यक्त केला जात आहे. येत्या तीन ते चार दिवसांमध्ये महाराष्ट्राच्या आणखी काही भागांमध्येही मान्सूनची प्रगती होईल, असा अंदाज आहे.
तसेच, येत्या २६ आणि २७ तारखेला कोकण आणि विदर्भात मुसळधार पाऊस पडण्याची शक्यता वर्तवण्यात आली आहे. मात्र, मध्य महाराष्ट्र आणि मराठवाडामध्ये नागरिकांना पावसासाठी आणखी प्रतीक्षा करावी लागणार आहे. असा अंदाज हवामान खात्याचे डायरेक्टर अनुपम कश्यपी यांनी वर्तवला आहे.
