पुण्यात एका चार चाकी गाडीने 7 ते 8 गाड्यांना धडक दिल्यानं मोठा अपघात झाला आहे. पुण्यातील सर्वात रहदारी असणाऱ्या म्हणजेच एम जी रोड जवळ ही घटना घडली आहे. या अपघातात 7 ते 8 गाड्यांचं मोठ्या प्रमाणात नुकसान झालं आहे. या अपघात एक जण किरकोळ जखमी झाला आहे. या प्रकरणी कारचालकाला पोलिसांनी ताब्यात घेतलं आहे. त्यांच्यावर गुन्हा दाखल करण्याची प्रक्रिया सुरु आहे. मात्र या अपघातामुळे रस्त्यावर चांगलीच वाहतूक कोंडी झाली होती. काही वेळ वाहतूक थांबवावी लागली होती.
प्राथमिक माहितीनुसार, एक चार चाकी पुण्यातील एम जी रोड जवळील एका रस्त्यावरून जात होता. गाडी चालवत असताना त्या चालकाला अचानक फिट आली आणि त्याचे गाडीवर चे नियंत्रण सुटले आणि समोर असलेल्या ७ ते ८ दुचाकी गाड्यांना ही धडक बसली. या अपघातात एक जण किरकोळ जखमी झाला आहे.
पोलीस घटनास्थाळी दाखल झाले आहे. सगळ्या गाड्यांची पाहणी करत आहेत. मात्र यात गाड्यांचं मोठ्या प्रमाणात नुकसान झाल्याने अनेक चालक संतापलेले आहेत. शिवाय नागरिकांनीदेखील पाहण्यासाठई गर्दी केली आहे.
