मुंबई-पुणे महामार्गावर बसचा भीषण अपघातात ४ ठार, २५ जखमी

४ नोव्हेंबर
सोमवारी पहाटे खंडाळा घाटात अमृताअंजन पुलाजवळ मुंबई-पुणे जुन्या राष्ट्रीय महामार्गावर एक खासगी बस उलटून भीषण अपघात झाला. या अपघातात बसमधील चार जणांचा मृत्यू झाला असून २५ प्रवासी जखमी झाले आहेत.
जखमींना नजिकच्या रुग्णालयात दाखल करण्यात आले आहे. कराडहून मुंबईला येणाऱ्या खासगी बसच्या चालकाचे गाडीवरील नियंत्रण सुटल्याने बस रस्त्याची कडा ओलांडून दरीत कोसळली. अपघातात मृत्यू झालेल्यांमध्ये एक २ वर्षांचा मुलगा, एक तरुणी, एक पुरुष आणि एका महिलेचा समावेश आहे. अपघातग्रस्त ठिकाणी महामार्ग पोलीस, देवदूत संस्थेचे सदस्य यांच्या साथीने बचावकार्य करण्यात आले.