Tuesday, July 16, 2024
Homeताजी बातमीदहावी, बारावी विद्यार्थ्यांचा अनुत्तीर्ण शेरा हटवणार

दहावी, बारावी विद्यार्थ्यांचा अनुत्तीर्ण शेरा हटवणार

५ डिसेंबर
राज्य माध्यमिक व उच्च माध्यमिक शिक्षण मंडळामार्फत घेण्यात येणाऱ्या दहावी व बारावीच्या गुणपत्रिकेवर अनुत्तीर्ण हा शेरा हटवून त्याऐवजी कौशल्य विकासास पात्र असा शेरा यापुढे देण्यात येणार आहे. याबाबतचा शासन निर्णय कौशल्य विकास व उद्योजकता विभागाने जारी केला आहे. तसा प्रस्ताव विभागाकडून राज्य शिक्षण मंडळाकडे पाठविण्यात आला आहे.

दहावी, बारावी परीक्षेत अनुत्तीर्ण होणाऱ्या विद्यार्थ्यांमध्ये आत्मविश्‍वास निर्माण व्हावा आणि त्यांना स्वत:च्या पायावर उभे राहता यावे यासाठी अशा विद्यार्थ्यांना रोजगारक्षम कौशल्य विकास प्रशिक्षण देण्याचा निर्णय कौशल्य विकास व उद्योजकता विभागाने घेतला आहे. अनुत्तीर्ण विद्यार्थ्यांना रोजगारक्षम करण्यासाठी कौशल्य सेतू कार्यक्रम योजना राबविण्यास राज्य सरकारने मान्यता दिली आहे. त्यानुसार यापुढे दहावी व बारावी परीक्षेत तीन किंवा त्यापेक्षा अधिक विषयांमध्ये अनुत्तीर्ण होणाऱ्या विद्यार्थ्यांना गुणपत्रिकेवर अनुत्तीर्ण शेरा न देता कौशल्य विकासास पात्र असे नमूद करण्यात येणार आहे. यापूर्वी शिक्षण विभागाने २७ सप्टेंबर २०१८ रोजी शासन निर्णय जारी करून दहावी परीक्षेत तीन किंवा त्यापेक्षा अधिक विषयांमध्ये उत्तीर्ण न होऊ शकणाऱ्या विद्यार्थ्यांना अनुत्तीर्ण शेरा न देता कौशल्य विकासास पात्र असे नमूद केले आहे. यानंतर दहावीतील अनुत्तीर्ण विद्यार्थ्यांच्या गुणपत्रिकेवर एटीकेटी असा शेरा येत होता.

शिक्षण विभागाच्या निर्णयानंतर कौशल्य विकास व उद्योजकता विभागानेही दहावी व बारावीच्या विद्यार्थ्यांना दिलासा देणारा निर्णय घेतला आहे. त्यानुसार दहावी व बारावी परीक्षेत अनुत्तीर्ण होणाऱ्या विद्यार्थ्यांना रोजगारक्षम कौशल्य विकास प्रशिक्षण प्रदान करण्याची योजना महाराष्ट्र राज्य कौशल्य विकास सोसायटी व महाराष्ट्र राज्य व्यवसाय प्रशिक्षण परिषद यांच्यामार्फत राबविण्यात येणार आहे.

विद्यार्थी नापास नाहीत, कारण ती निव्वळ घोषणा ठरत होती. मात्र अनेक विद्यार्थ्यांना याबाबत योग्य ते मार्गदर्शन मिळत नव्हते वा ते सांगूनही पटत नव्हते. आता राज्यातील सर्व शाळांचा निकाल १०० टक्के लागणार असे वाटते.

RELATED ARTICLES

LEAVE A REPLY

Please enter your comment!
Please enter your name here

- Advertisment -
Google search engine
Google search engine

Most Popular

Recent Comments