सतीश धवन अंतराळ केंद्रामधून 22 जुलै 2019 रोजी प्रक्षेपित केलेल्या चांद्रयान-2 ने भारतीय अंतराळ कार्यक्रमातला आणखी एक मैलाचा दगड गाठला आहे.
अमेरिकन अंतराळ संस्था नासाने पाठवलेलं अपोलो 11 चारच दिवसांमध्ये चंद्रावर उतरलं होतं. पण इस्रोच्या चांद्रयान-2 ला तिथे पोहोचायला 48 दिवस का लागत आहेत? असा प्रश्न अनेकांना पडलाय.
16 जुलै 1969 रोजी अमेरिकन अंतराळ संस्था नासाने अपोलो 11चं प्रक्षेपण केलं. नील आर्मस्ट्राँग, एडविन ऑल्ड्रिन आणि मायकल कॉलिन्स हे तीन अंतराळवीर या यानात होते. सॅटर्न व्ही एसए 506 रॉकेटच्या मदतीने केनेडी स्पेस सेंटरमधून अपोलो 11 प्रक्षेपित करण्यात आलं. चार दिवसांनी 20 जुलै 1969 रोजी ते चंद्रावर उतरलं.
